Ab Jaane de..

Dil ne ek Baat kahi aaj mujhse,
Ki jisne rulaya tujhe uski aankho me pani aane de..
Phir kahe ye ki jashn manau teri Haar ka,
Lekin Zameer kahe ki chal ab jaane de....
Tod ke mera dil banaya tha apna aashiyan,
Aaj us mehel ko mitti me mil jaane de..
Dil kahe ki ek patthar mai bhi maru tere ghar pe,
Lekin Zameer kahe ki chal ab jaane de....
Tanhayi ka aalam diya bade pyar se tune mujhe,
Aaj apni shaamo ko usi tanhayi me dub jaane de..
Dil kahe tere paas aakar kuredu tera har ek zakhm,
Lekin Zameer kahe ki chal ab jaane de....
Apni yaadein se chhini thi tune neend meri,
Ab apni raaton ko bhi aankho me guzar jaane de..
Dil kahe ki puchhu tujhse raaz teri suji hui aankho ka,
Lekin Zameer kahe ki chal ab jaane de....
Teri khushi me dhundhta tha apni khushi,
Aaj tere ghum me khushi mil jaane de..
Ab dil kahe thaam tera haath  kahu, mai hu tere sath,
Lekin Zameer kahe, Ki chal ab jaane de....

Kya likhoon

Dil me jazbaat hazaar... Aankho me pyaar beshumaar..

Soch raha hun kya likhoon....

Likhoon ki tu hi mera jahaan hai..

Ya likhoon ki tune banaya is pathhar ko insaan hai....

Likhoon ki teri aankho me sach ki parchhai hai..

Ya likhoon ki har saans me meri teri khushboo samaai hai....

Likh kar agar jazbaat jata paata..

To is duniya ka har panna kam pad jaata....

Pehli baar is uljhan me phas gaya hoon..

Jo mera pyar jata sake wo alfaaz chun raha hoon....

Sach to ye hai ki aise shabd bane hi nahi yahan..

Jo bata sake tu hai mere dil ka jahaan....

Phir bhi dil ne kaha ki aaj ek koshish to karoon..

Soch rahaa hoon ki akkhi kya likhoon....