Missing something..

Yun to sab sath hain mere..
Phir bhi akela hoon mai bin tere....
Na koi chah hai man me tujhe paane ki..
Teri aankho me dubne teri bahon me simat jaane ki....
Chah kar bhi kisi ko chah nahi pa raha hoon..
Na hi ye kashmakash kisi ko jata pa raha hoon....
Aakhir kyun tujhse itna pyar kiya..
Ki har lamha teri yaad me jiya....
Aaj bhi teer sa dil me chubhta hai tera naam..
Teri yaad me hi kat jati hai subah se sham....
Pyar tha mujhse to kahan gaye wo jazbaat..
Kahan gaye wo vade ki rahenge sada sath....
Teri berukhi se ab ye dil to ghaayal hai..
Aur hal-e-dil kaha, to log bole hum teri nazm ke kayal hain....
Jhoote hain wo jo kehte hain ki ishq bhagwaan hai..
Ye to mujhse bewakufo ko ta-umra tadpane wala shaitan hai....
Kash koi is taklif ko kam kar de..
Mere kisi jaam me zeher bhar de....
Shayad mar ke hi tujhe bhool paaon..
Kahi teri yaad me yu hi tadapta na reh jaaun....

Ek din aur jiye..

Shukriya us dard ke liye,
Jo tune is dil ko diye.
Aaj Phir teri yaad me udaa hai dhuan,
Aaj phir tere ghum me jaam hain piye..
Is dil ne phir tujhe bhulaana chaaha,
Phir bhi tere naam ke sajde kiye.
Dil ne kaha aaj duniya ko teri bewafaai bataaun,
Phir mere zameer ne mere honth si diye..
Maangi thi subah uthkar us khuda se maut..
Par us patthar dil ke rehem par hum ek din aur jiye

My defintion of love

Had a hard blow, life has never been so slow..
Standing yet again i am, no more m gonna bow..
All of 'em said that u're not my kinda chic,
Not even once I thought of it, i was sick a bit..
But now i don't give a damn and i don't give a f*ck..
May be you were the one where my heart was badly stuck..
Though the heart is of no use and its just a piece of trash..
Love is ain't anything, all that counts is a load of cash..
Today m a different guy outside,
To cry out loud, no place to hide..
The love i ever felt is sucked up somewhere..
And trust me m too happy to go and find it back there....

Tum khush to ho.. :)

Behad khush hoon mai aaj ye jaankar,
Ki tum itni khush to ho.

Bhale hi is dil me teri yaadein basi hai,
Par bhul kar mujhe tum khush to ho..

Kya hua jo mai tadpa har pal teri judai me,
Magar jaake mujhse dur tum khush to ho..

Pata nahi kab ghum diya maine tumhe,
Par chhod mujhe tum har ghum se dur to ho..

Bandish tum par lagai hi kab maine,
Phir bhi aazaad hokar tum khush to ho..

In saanso me teri khushbu hai to kya,
Apni zindagi se mera naam mita tum khush to ho..

Taklif meri nahi rakhti koi mayne,
Kyunki zindagi me apni tum khush to ho..

Zindagi bhari hai ghamo se phir bhi khush hu mai,
Ya jankar ki tum khush to ho..

Searching Myself

Dhund raha hoon wajood apna,
Kya hua jo tuta har sapna.
Ab sabki batayi baatein lagti hain bemani,
Chahe jo ho ab banaunga rasta apna..

Har tarah ki bandish se aazaad hun mai,
Lagta hun shor par sachchi aawaaz hun mai.
Haan hun mai aaj is bhid ka hissa,
magar jo ahi sabse juda, wo andaaz hun mai..

Seene ka jwalamukhi phatne ko hai,
Bandha hun jinme, wo zanjiro ka pulinda katne wala hai.
Aaj tak jinke naam par roka hai mujhe,
Aaj har wo bandhan hatne ko hai..

Aaj mar ke mai kuchh aur ban raha hunb,
Ek patthar ban is duniya me tan raha hoon.
Bhul jao ki mai kabhi sachcha bhi tha,
Kya fayda uska, pehle bhi dil ye jalta hi tha...

heart opened up

Aakhir wahi hua jiska mujhe darr tha,
Jise samajh baitha tha apna,
Wo to kisi aur ka ghar tha..

Chal diye tum is patthar dil ko tod ke,
Aur is jaanwar ke pyar se muh mod ke..

Mera bachchon sa pagalpan,
to tumhare liye mazaa bani.
Khud se zyada pyar pe bharosa kiya,
Ye fitrat hi meri sazaa bani..

Sach kahoon to jeene ki chah mar rahi hai,
Aur pehli baar is pathhar dil ki aankh bhar rahi hai.

Tumhe paane ki is dil me koi chah bhi nahi hai,
Akelapan diya hai tumne mujhe,
Chalo ab ye bhi sahi hai..

Hamesha ki tarah teri khushi hi meri chahat hai,
Par jaane kyun har awaaz lagti teri hi aahat hai..

Tum to mere saaz se aawaz le gayin,
Aur mujhe is gham ka ehsaas de gayin..

Yahi hai aarzoo ki tu sada khush rahe,
Par ae khuda; yahi hai dua,
Hua jo mere sath, koi dushman ke saath na kare..

Ab tumhe jhuth lagta hoga mera kehna,
Ki tumhare bina ji nahi paunga,
Zinda to hai jism ye mera,
Tanha rahunga ta-umra aur duniya se akela hi jaunga..

Yun to aaj tumhe chhod,
Sab mere karib hain.
Par bheed me hai akelapan,
Shayad yahi mera naseeb hai..

Ek guzrish hai tumse ki,
Bhul kar bhi mujhe tum yaad na karna,
Mere marne par jannat nasib ho mujhe,
Ye bhi upar wale se fariyaad na karna..

Ho sake to dua karna ki,
Registaan me phool khil jaye,
Aur tera ye aashiq,
tujhe marne se pehle kaash bhool jaye...

Unspoken..

Kaash koi is dil ki gehrai samajh pata,
Kabhi to koi mujhe puri tarah samajh pata.
Hamesha hasna namumkin hai mere liye,
Koi to is sach ko maan pata..
Sada haste rehna meri khata ban gayi,
Mera mazaak bakiyon ke gham ki daa ban gayi.
Aaj mujhe chup nahi dekh sakta koi,
Lo meri taklif bhi sabka mazaa ban gayi..
Jitna bhi chahoon sabko khush nahi kar pata hoon,
Dil me dard chhupaye haste muskurate thak jata hoon.
Kuchh pal ke liye koi kuchh na chahe mujhese,
Dil karta hai mai kahin dur bhag jaata hoon..
Kyun mujhe dukhi dekh koi ye nahi kehta,
ki mai tumhe yun hi apnaata hoon.
Shayad banavati logon ki hi duniya hai,
Hamesha yahi apne dil ko samjhata hoon..
Phir bhi sabke liye mai yun hi hasta rahunga,
Gham ka zeher jaam samajh ke pita rahunga.
Iss ummeed ke sath koi to mujhe samajh sakega,
Mai sabko khush karte hue jeeta rahunga..

Maa..

Samajh Nahi aata aagaz kahan se karun,
tumhare ehsaano ki daastan bayan kaise karun,
Yun to aisia kabhi kaha nahi tumhe,
Aaj saari zindagi ka shukriya kaise karun..
Log to zindagi ke karzdaar hote hain,
Khule aakash ke niche bina chhat ke sote hain.
Hume to sada hi mila tumhara aanchal
Jiski chhaon me hum apne khwab sanjote hain..
Alfaaz nahi milte tumhe ye kehne ko,
Jaise rokte nahi parvat nadi ke behne ko
Ji sakti thi zindagi apni befikri se,
Ek ma ke dil ne kaha tumhe sab sehne ko..
Nahi bata sakunga tumhari ehmiyat kahan tak hai,
Nahi janta koi zameen ki taqat kahan tak hai.
kaun jane sagar gehra kahan tak hai,
Aur maa ki ehmiyat puchhna jaayaz kahan tak hai...

LUV U MOM